Qarax bambaano oo saaka lagu weeraray ciidamo Ethiopian kuwaasi oo marayay agagaarka suuqa xoolaha.

Kooxha kasoo horjeeda jogitaanka ciidamada caloshod u shaqastayaasha ayaa weeraro loo adeegsaday bam gacmeedyo iyo basuukayal ku qaaday ciidamo Ethiopian ah oo saakay ku sugnaa qeybo ka mid ah suuqa xoolaha ee magaalada Muqdisho.

Ugu yaraan 6 qarax oo isku dhaw dhaw ayaa laga maqlay qaybo ka mid ah Suuqa xoolaha ka dib markii saakay ay halkaasi soo galeen ciidamo Ethiopian ah oo ka yimid dhinaca xerada Maslaxa kuwaasi oo kusoo jeeday dhismaha warshadda Baastada oo fariisin u ah ciidamada Ethiopia.

Qaraxa koowaad ayaa dhacay markii ciidamada Ethiopian ka ah ay wax yar ka soo socdaan xerada ay dagan yihiin ee Maslaxa, iyagoo qaraxaasi uga jawaabay tacshiirado ay u rideen dhowr jiho oo aan la sheegin wax qasaaro ah oo ka dhashay.

afarta qarax ee kale ayaa iyana markaasi ka dib si dhuumaaleysi ah loogu tuuray ciidamada Ethiopian ka ahaa,sida ay sheegayaan dadka gobjoyasha ah waxa halkasi lagu arkayay qaar ka mid ciimadii saran gadiidkasi oo dhawac xumi soo garay kadib markii uu qarax wayni qabsaday garigii ay la socdeen ciidamadasi.

Qaraxyadaan ayaa sababay in gabi ahaanba uu istaago isku socodka gaadiidka dadweynaha iyo ganacsiga, waxaana wadada laamiga ah meelaha qaar ku sugan ciidamada Ethiopia uu xiray wada isku xirta Ex Cont iyo suuqa xolah.

Gaadiidka isticmaali jirey wadada isku xirta Ex Ctrl ilaa suuqa xoolaha ayaa ka wareegaya xaafadaha dhexdooda, iyagoo wadada uga soo dhacaya agagaarka shirkadda Coca Cola ee magaladatan Moqdisho.

Ma cadda qasaaraha dhabta ah ee soo gaaray ciidamada Ethiopian ka ah ee la weeraray marka laga tago wararka ay dadku sheegayaan, iyadoo sidoo kale aan la ogeyn wax qasaaro ah oo ka soo gaaray dadka rayidka ah iyo kooxihii weerarka soo qaaday toona.

waxan hada soda rasaas xoogan oo aan la garanaynin cida ay u dhaxayso inkasto ay dadku leeyihiin waxa ay u dhexeyan xoogagii werarka ku qaday iyo kuwa Ethiopia ee fadhigoodo yahay Warshadii hore ee Bastada.

ciidamada Itoobiya ayaa sidoo kale waxa ay albaabada u labeen dhanba dhaqdhaqii ganacsi ee ka socday suuq xoolaha kuwasi oo rasaas xoogan ku furay dadka halkaasi ku gacansanayay waxana xiran hatan goobihii ganacsiga ee suuqa.

Isbuucyadii ugu dambeeyay ayaa degmada Heliwaa waxaa hareeyay rabshado baaxad leh kuwaasi oo sababay in inta badan xaafadaha degmadaasi ay ka kooban tahay ay noqdaan kuwo haawanaya, ka dib markii dadkii daganaa ay u dulqaadan waayeen rabshadaha joogtada ah ee degmadaasi ku soo kordhay.

Labo ka mid ah ergooyinka shirka dib u heshiisiinta oo ku dhaawacmay qaraxyo lala beegsaday Hotel Lafweyn.

Labo ka mid ah odayaasha ka qayb qadanaya shirka dib u heshiisiinta ayaa ku dhaawacmay weerar bambaano oo Kooxo aan la garaneyn ay xalay ku qaadeen Hotel Lafweyn ee magaalada Muqdisho oo fariisin u ah Mas'uuliyiin ka tirsan dowladda iyo ergooyinka Somaalida.

ilaa 4 Qarax oo loo adeegsaday bam gacmeedyo ayaa laga maqlay agagaarka Hotel Lafweyn, iyadoo mid ka mid ah bambaanooyinkaasi uu gudaha u galay Hotelka, halkaasi oo ay ku dhaawacmeen labo ka mid ah ergooyinka shirka dib u heshiisiinta sida uu saakay saxaafadda Uga war bixiyay C/waaxid Max'ed Xuseen oo ah madaxa saxaafadda ee ciidamada booliska.

Waxa uu sheegay in dhaawaca soo gaaray labada ergo uu aad u fudud yahay isla markana lagu dawaynayo hatan gudaha Hotalka.

Qaraxyada ka dib ayaa waxaa dhacay tacshiirado ay fureen ciidamada dowladda kuwaasi oo la beegsanayay kooxihii weerarka soo qaaday sida ay sheegayaan dad goobjogayaal ahaa markii uu werarakani uu dhacay.

waxa go'ay markii laydh tiriigii Hotelka iyo xaafadaha ku dhow dhow kadib markii uu werarkani uu dhacay, iyadoo xaaladda markii dambe ay caadi ku soo laabatay inkasta oo mararka qaar la maqlayay rasaas goosgoos ah.

Hotel Lafweyn ayaa sidoo kale waxaa dagan Guddoomiyaha gobolka Banadir ahna duqa magaalada Muqdisho Max'ed Dheere.

 

IFJ oo cambaareysay dilkii loo geystay Wariye ka tirsan Idaacadda Banadir.

Ururka suxufiyiinta caalamiga ee IFJ ayaa shalay cambaareeyey dilkii loo geystay suxifi Soomaaliyeed oo u shaqeenayey idaacad gudaha ka howlgasha oo lagu dilay gobolka Gedo, iyadoo IFJ ay sidoo kale ku baaqday talaabo caalami ah oo laga qaado mashaqada ka aloosan Somalia halkaasoo weriyaasha ay noqdeen bartilaameedka ugu horeeya ee rabshadaha sii baahaya.

Cabduqaadir Mahad Macalin Kaskey oo idaacada Banaadir uga soo warami jiray gobolka Gedo ee koonfur galbeed Soomaaliya ayaa geeriyooday ka dib markii kooxo hubeysan oo aan la aqoon ay tacshiirad ku fureen gaari mini bas ah oo uu saarnaa, kaasoo marayey tuulada Ceel-Cilaan. Qof kale oo rakaab ah ayaa ku dhaawacmay weerarkaasi.

Dilka weriyaha Banaadir ayaa noqonaya kii saddexaad oo todobaadyo gudahooda ka dhaca Somalia, iyadoo sanadkan oo keliya Somalia lagu dilay ilaa lix weriye.

Xoghayaha guud ee ururka IFJ Aidan White ayaa sheegay in dilkan ugu dambeeya uu xaqiijinayo cabsida ay qabaan oo ah in saxaafada ay la soo dersayso khatar aad u badan gudaha Somalia.

Waxa uu yiri "qalalaasaha siyaasadeed iyo heerka rabshadaha isa soo taraya ay ka dhigayaan warbaahinta madaxbanaan mid aan suurtagalaynin isla markaana ay hay'adaha caalamiga ay baahan yihiin inay si aad uga fakeraan talaabo hadda loo qaado sidii loo dejin lahaa xaalada,"

Sidoo kale, xoghayaha guud ee ururka suxufiyiinta qaranka Somaaliya ee NUSOJ Cumar Faaruuq Cusmaan ayaa cambaareyey dilka loo geystay weriyahii Idaacada Banaadir uga soo warami jiray gobolka Gedo, isagoo sheegay in weerarada halista ee lala beegsanayo suxufiyiinta iyo xadgudubyada lagu hayo warbaahinat xorta ay sii badanayaan maalinba maalinta ka dambeysa.

Cumar Farauuq waxa uu yiri "waxaa la joogaa waqtigii beesha caalamka ay baari laheyd kiisaska dilka ee ka dhanka a shaqaalaha warbaahinta xorta iyo in la sameeyo nidaam lagu ilaaliyo suxufiyiinta

IFJ waxa ay taageraysaa baaqa loo jeedinayo Q.M iyo ururada kale ee caalamiga inay wa ka qabtaan dhibaatada lagu hayo shaqaalaha warbaahinta madaxabanaan.

Ururka suxufiyiinta caalamiga ayaa sidoo kale qorsheenaya olole diirada lagu saarayo weerarada lagu hayo warbaahinta xorta ee Soomaaliya.

Xoghayaha guud ee IFJ Mr. White ayaa sheegay in in ay u baahan yihiin inay wax badan qabtaan si loo hagaajiyo heerarka badbaadada suxufiyiinta, waxa kale oo uu yiri "waxaan u baahan nahay talaabo ah in cadaalad lagu hor keeno kuwa ka mas’uulka ah rabshadaha dhacaya, waa in buu yiri dilalka lagu hayo suxufiiinta la soo afjaraa

Soomaaligalbeed.com

 

Back