Dowladda Wadanka Masar oo Xabsiga Dhigtay koox tahriibayaal ah

Ciidanka ilaalada xuduudaha ee dalka masar ayaa fashiliyey qorshe loogu tahriibinayey 30 qof oo Ereteriyaan iyo Sudaan isugu jira dalka ay dariska yihiin ee israa’iil. halkaas oo waayahaan danbe ay u tahriibayeen dad badan oo sudanes iyo ereteriyaan ah kuwaas oo sheegta in ay ka yimaadeen gobolka Darfur ee dhibaatada kataagan tahay .

Sida la ogyahay dowladda Israa’iil ayaa xafiis uga furtay mucaaradka dalka sudan magaalada Talaviv sanadkii la soo dhaafay ee 2007 iyadoo ula jeedo in ay ku soo jiidato dad badan oo ka soo barakaca dalkooda si loo tuso indhaha caalamka in dalka sudan ay dhibaato xoog leh kajirto .

Mas'uul sare oo u hadlay ciidanka Ilaaladda xadka udhaxeeya israa'iil iyo masar ayaa sheegay in laba kamid ah kuwa masuulka ka ahaa tahriibta ay isku dayeen inay ka boodaan baabuurta markii la qabtay , halkaasna ay kasoo gaareen bur bur iyo jabniino kala duwan.
wuxuuna intaas kusii daray in kuwa wax tahriibinayey yihiin shabakad dhan oo isku xiran kuwaasoo qaarkood joogaan dalka gudihiisa, wuxuuna yiri isagoo hadalkiisa sii wata: "waxay dowladu horay u heshay maydka 3 qof in kabadan, arintaanna waxay noqotay mid so noqnoqota, waxaana xirnay 100 in kabadan oo tahriib ah labadii sano ee ugu danbaysay "
wakaalada wararka ee bariga dhexe ayaa ku warantay in inkabadan 300 oo qof oo sudanes iyo Ereteriyaan isugu jira ay haatan ku jiraan xabsiyada dalka masar, kuwaasoo illaa iyo hadda aan wax maxkamad ah lasoo taagin.
waxaana laga dayrinayaa xaaladooda caafimaad iyo nolol ahaanba.
Qorshe lagu doonayo in dadkaas dib loogu celiyo wadamada ay kakala yimaadeen ayaan wali dhaboobin

Aas Maanta Kadhacay magaala madaxda Gobalka Eastern Cape Ee Port Elizabeth ee wadanka S/afrika oo uu Aas Balaadhan Kadhacay.

Shalay oo ay ahayd maalin talaado ah ayaa waxaa ka dhacay magaaladda port elizabeth aas aad iyo aad u balaaran ooy ka soo qeyb galeen dhamaan qeybaha kala duwan ee bulshada soomaaliyeed ee ku nool gobolka Eastern cape

Aaska oo ka dhacay xaafadda malabaree Gobolka E.cape, oo uu ahaa marxuumka ay niman soomaaliyeed oo budhcad ah ay dhaawac ugu gaysteen isaga oo jooga dukaan uu gadayay oo lagu magacaabo khaliif daahir macalin wali oo ka soo jeeda magaaladda dhanaan, ee xudunta Gobolka s/galbeed marxuumka waxaa dhaawac u geytay tuugo soomaaliyeed oo ka biloowday wadanka k/afrika.

jaaliyadda soomaaliyeed ee dalka k/afrika (SASA) ayaa u gashay dadaal aad iyo aad u balaaran soo qabashadda tuugadda ayadoo la kaashatay ciidamadda amaanka ee dalka k/afrika , soo qabashadda tuugadda ayaa waxaa ka qeyb qaadatay diyaaraddaha qumaatika u kaca ooy hagayaan maamulka jaaliyadda & ciidanka amaanka ,

warsaxaafadeed ka soo baxay xafiiska gudoomiye kuxigeenka jaaliyadda soomaaliyeed ee Gobolka Eastern cape mudane: C/Raxmaan Raabi oo u mahad celiyay dhamaan walaalihii ka qeyb qaatay Raadinta tuugadda Guud ahaan maamuladda jaaliyadda soomaaliyeed ee Gobolka Eastern cape oo si weyn ooga qeyb qaatay iyo qaraabadii & eheladii marxuumka oo muujiyay dadaal xoogan, waxuuna si gooni ah carabka oogu dhuftay gudoomiye kuxigeenku walaalaha kala :

1- Maxamed budul (timacade)
2- C/wali dheere

labadaas xubnood oo ka soo jeeda jaaliyadda soomaaliyeed ee magaaladda humansdorp oo uu falku ka dhacay
3- mukhtaar axmed salaad ,oo ka dirsan xubnaha jaaliyadda ee magaaladda port eizabeth,

warsaxaafadeedka ka soo baxay xafiika gudoomiye kuxigeenka jaaliyadda ee Gobolka Eastern cape ayaa lagu sheegay iney jaaliyadu ku wareejisay kiiska marxuumaka & diyadiisa odayaasha labada dhinaca, jaaliyadda ayaa u dar daarantay dhamaan odayaasha soomaaliyeed iney u celiyaan xukunka dadka soomaaliyeed kitaabka & sunnaha nabiga (s/c/w).

Jaaliyada Somaliyeed Oo markii lasogabiyo Magaceeda lugu magacaabo (SASA) Somali Assoiciation of South Africa Ayaa si wanaagsan uwado sidii ay bulshada ugu soo dhihin laheeyd Xuquuqdodo kuna dhiira galineeyso Bulshada somaliyeed sideey mid ugu noqon lahaayeen bircada iyo cuma wadayaasha gudoomiye Kuxigeenka ayaa aad u amaanay dhamaan qaybaha kala gadisan ee bulshada sida ay u wadaan hor socodka iyo wanaaga dhexdooda ah Reported Xafiska Jaliyada Gobalka Eatern Cape Ismacil Turky

Maxkamad ku sheegta Magaalada Jigjiga oo Maxaabiis tiro badan la keenay Shalay.

Waxaa maanta la soo taagay Maxkamad ku sheegta magaalada Jigjiga Maxaabiis aad u tiro badnayd kuwaas oo goobta Maxkamadda lagu keenay baabuur qafilan oo ay leeyihiin Booliska la shaqeeya Guumaysiga.

Haddaba Maxaabiistan oo muddooyin badan ku jiray Xabsiga loo yaqaano Jeel Ogaadeen ee ku yaalla cidhifka magaalada ayaa waxaa wajiyadooda ka muuqatay rafaad badan iyagoo ku jeedalaysnaa katiinado waxayna iskula xidh xidhnaayeen laba laba Maxbuus, wakhtigii la keenayay Maxaabiista Maxkamadda waxaa markiiba la xidhay Wadada laamida ah ee hormarta Maxkamadda halka dadkii wadadaas marayayna loo diiday inay u soo dhawaadaan Maxkamadda.

Maxaabiistan ayaa intooda badan waxay u xidhnaayeen un Tuhun ah inay la shaqeeyaan amase taageero siiyaan Jabhadaha xornimo doonka ah ee ka soo horjeeda maamulk ku sheegga Degaanka iyo Guumaysigaba, sida ay sheegayaan ilo xogagaal ah oo ku sugnaa goobta ay Maxkmaddu ka dhacaysay waxaa la keenay garsoorayaal badan iyo dad kale oo la rabay inay ku markhaati kacaan Maxaabiistan balse Guumaysigu waa uu ku khashifmay kaddib markii dadkii soo xaadiray Maxkamadda laga waayay hal qof oo ku markhaati kaca maxaabiistan, Cabdi Iley oo ah ninka Shacabkii S/galbeed ay ka wada cabanayaan isla markaana aad u dhibay guumaysigana u shaqeeya ayaa isagu aad u cadhooday kaddib markii dadkii uu u soo kaxaystay inay ku markhaati kacaan Maxaabiistan ay ku markhaati kici waayeen waxaa uuna ku hanjabay inuu markale dib ugu yeedhanayo dad ku markhaati kaca Maxaabiistan.

Haddaba Maxkamaddii maanta ayaa ku dhammaatay si wanaagsan kaddib markii maxaabiistii madluumanayd la waayay cid ku markhaati kacda iyadoo Guumaysigana ay aad uga cadhaysiisay maanta sida ay ku dhammaatay Maxkamaddii maanta iyadoo Guumaysigu la rabay Maxaabiistan in lagu caddeeyo waxay guumaysigu u soo xidheen balse dambiba lagu waayay maanta wax ku caddeeyana la waayay, haddaba waxaa laga yaabaa in la siidaayo Maxaabiistan maalmaha soo socda hadduu Alle idmo.

Cabdi Saalax
Soomaaligalbeed Jigjiga

Naxariis Daranaa ma wayaanaa! Dowladda Itoobiya oo Inkirtay in ay soomaaliya ka gaysatay wax Tacadi ah.

Dowladda Itoobiya ayaa warsaxaafadeed kasoo uu soo saaray xafiiska wasaarada arrimaha Dibada ee Siyum Musfin ayaa ku gacan saydhay, wax kama jiraana ka soo qaaday, warbixin ay dhowaan Hay'adda Amnesty International ka soo saartay, in ciidamada gumeysiga Itoobiya ay dad rayid ah ku laayeen gudaha Soomaaliya, iyaga oo weliba u gowracay sidii xoolaha oo kale.

Wasaarada Arrimaha Dibada ee dowladda Itoobiya ayaa sheegtay in warbixinta Amnesty ay diyaariyeen kooxo ka tirsan kooxaha kasoo horjeeda dowladda KMG ah ee la shaqeysa gumeysiga Itoobiya gaar ahaan kooxda Al-Shabaab oo iska dhigaya Hay'ado u dooda xuquuqda Aadanaha.

Wasaarada Arrimaha Dibada ayaa sidoo kale war saxaafadeedka ku sheegtay in ciidamada gumeysiga Itoobiya ay yihiin ciidamo anshax leh, waxna ka yaqaana qawaaniinta caalamiga ah., waasiday isu arkaan, ma in dadka lagawraco, laduqeeyo dad shacab ah lana bara kiciyo, looguna hanjabo xaafadaha aan bara kicin in loo barakicinayo sida kuwii bara kacay hadii aanay dhibka daynin miyaa waxa ay u taqaano itoobiya in ay taqaano xuquuqda aadanaha.

Amnesty International oo ku eedeysay ciidamada gumeysiga Itoobiya in ay geysteen xad gudubyo ka dhan ah xuquuqda beni aadamka

Amnesty International ayaa ku eedeysay ciidamada gumeysiga Itoobiya in ay geysteen xad gudubyo ka dhan ah xuquuqda beni aadamka, iyaga oo laayey culumaa udiin iyo dad kale oo rayid ah.

Warsaxaafadeedkan ayaa waxa uu kusoo beegmayaa xilli dhowaan Hay'adaha xaquuqul Insaanka ay ke eedeeyeen ciidamada gumeysiga Itoobiya ee ku sugan dalka Soomaaliya falal waxashnimo, ka dib markii ay si arxan darro ah u laayeen dad rayid ah.

Amnesta International oo ciiidamada Itoobiya ku eedeeysay iney bartilmaameed ka dhigteen dadka rayidka ah ee ku nool magaalada Moqdisho…

Hay’ada Amnesty International ee u dooda xuquuqda adaamaha oo saakay xafiiskeeda ka soo saartay warbixin dhowr bog ka kooban ayaa shaac ka qaaday in ciidamada Itoobiya oo sheegtay in ay gacan siiyaan kuwa dowladda ay kula kaceen dad soomaaliyed talabooyin ka dhan ah binu’aadminimada.

Sidoo kale,Amnesty ayaa warbixinteeda ku xustay in ciidamada dawladda Soomaaliya ay dad u badan kula keceen falal ay ka mid yihiin dil dhac iyo baarasho talaabadasi oo ka dhacaday sida warbixinta lagu sheegay qaar ka mid ah xeroyinka dadka soo barakacay ay ku jiraan ee ku yaala magaalada Moqdisho.

Hay’adda ayaa sidoo kale waxay beesha caalamka ugu baaqday inay il gaar ah ku soo fiiriyaan waxa ka dhacaya dalka Soomaaliya iskuna taxluujiyaan inay wax ka qabtaan, haddii ay sidaasi ku sii eegtaan bay tiri hay’addu xaalado bini’aadanimo oo aad u halis ahaa ku imaan doona shacabka Soomaaliyeed oo ay isugu darsameen abaaro iyo colaad.

Amnesty International oo saakay xafiiskeeda ka soo saartay warbixin dhowr bog ka kooban ayaa daboolka kaga qaadday in ciidamada Itoobiya oo ku doodaya inay garab siinayaan dawladda federalka Soomaaliya ay falal bini’aadanimada ka baxsan kula kacaan dad shacab ah oo aan waxba galabsan.

Sidoo kale, Hay’adda ayaa warbixinteeda ku sheegtay in ciidamada dawladda federalka Soomaaliya iyo xooggga ka soo horjeeda ay iyagana caado ka dhigteen inay ku kor dagaallamaay maatida iyagoo isticmaala madaafiic aan loo meel dayin oo ay ku dhintaan, ku dhaawacmaan kuna barakacaan dad fara badan oo rayid ah.

Hay’adda ayaa sidoo kale waxay beesha caalamka ugu baaqday inay il gaar ah ku soo fiiriyaan waxa ka dhacaya dalka Soomaaliya iskuna taxluujiyaan inay wax ka qabtaan, haddii ay sidaasi ku sii eegtaan bay tiri hay’addu xaalado bini’aadanimo oo aad u halis ahaa ku imaan doona shacabka Soomaaliyeed oo ay isugu darsameen abaaro iyo colaad.
Xafiiska wararka Boosaaso

Email:Webmastar@soomaaligalbeed.com