Jenaraal Jilicow Iyo Rag Kale oomasuuliyiin ah oo shalay lagu dilay magaaladda Muqdisho oo maanta lagu aasay magaaladdaas.

Janaraal Axmed Jilicow Caddow ayaa maalintii shalay ahayd maqribnimadii dil toogasho ah ku dileen kooxo hubaysan oo aan la garanayn iyadoo dhaawacii kasoo gaarayna loola cararay isbitaalka keysaney ee magaalada muqdisho islamrkaana uu halkaas ku geeriyooday.

Gen,jilicow oo xilal kala duwan kasoo qabtay dalka ayaa todobaadkii hore loo magacaabay guddoomiyaha Dalladda Bulshada Rayidka gobolka Banaadir.

Marxuum jilicow ayaa xiliga dilka loo gaystay marayey isagoo wata gaari uu iska lahaa isgoyska Afarta Jardiino ee Magaalada Muqdisho iyadoo Gaarigii uu watay jananku lagu hor gooyey gaari kale, waxaana ka soo degtay rag hubeysnaa oo rasaas ku furay Janaraalka iyo labo nin oo la socotay, waxaana goobtii ku geeriyooday labadii nin, hase yeeshee jenelral jilicow waxaa loola cararay isbitaalka Keysanay oo uu ku geeriyooday isla saacado kadib .

Gen,jilicow ayaa xilal kala duwan kasoo qabtay dalka iyadoo dowladii dhexe ee maxamed siyaad barrena uu kamid ahaa saraakiisha ugu sarsaraysay dalka ee ciidamada nabad sugidda, sidoo kale waxa uu noqday duqa Magaalada Muqdisho, iyadoo markii ay dhaceen dagaaladii sokeeyena janaraal Jilicow uu ka dhex muuqan jiray bulshada nabada u ololeeya .

Dhinaca kale waxaa isla shalay lagu diley magaalada muqdisho ku xigeenkii xeer ilaaliyii gobolka Banaadir C/qaadir Max’ed Yuusuf iyo weliba labo nin oo kale oo la socotey dilka xeer ilaaliyaha ayaa sida saxaafada u sheegeen dad goob joogayaal ahi isagoo watey gaari nooca loo yaqaano market -2 waxaa soo weeraray kooxo ku hubaysnaa bastoolado xili uu marayey wadada dheer ee Aadan Cadde islamrkaana rasaas ooda kaga qaadeen iyadoo halkaas ay ku geeriyoodeen xeer ilaaliyaha iyo ragii la socdeyba.

Dilalka qorsheysan ee ka dhaca caasimada muqdisho ayaa badanaaba loo aaneeyaa amaan darida baahsan ee ka jirta Caasimada xili ay magaalada Muqdisho ku sugan yihiin cutubyo ciidamada ethiopia iyo weliba kuwa dabadhilifka u ah gumaysiga, dhinaca kale magaaladdawaxa ka soconaya Barakac ay dadku ka qaxayaan magaaladda markii ay uadkaysan waayeen dhibaatada ay ku hayaan ciidamadda gumaysiga iyo ku la shaqeeya

 

Back