Sheekh Xasan Daahir Aweys oo Wadamada Carabta ku eedeeyay Wax kaqabad la'aanta dhibaatada dalka Somalia.

Sheekh Xasan Daahir Aweys oo ka mid ah Isbaheysiga dib u xoreynta Somalia oo qadka tefanka ugu waramayay TV-al Arabia isagoo ku sugan Magaalada Asmara ee xarunta Wadanka Eritrea ayaa si kulu u Weeraray siyaasada Carabta oo ay iska indha tirayso dhibaatada ka taagan gudaha dalka Somalia gaar ahaan Magaalada Muqdisho.

Sheekh Xasan Daahir Aweys waxa uu sheegay in Shacabka Somalia ay xaq ugu leeyihiin Walaalahood Carabta in ay ka Caawiyaan dib u soo Celinta amaanka iyo deganaashaha dalka Somalia oo ay baabiyeen dagaalo Sokooyey oo ka qarxay Sanadkii 1991.

Waxa uu soo hadal qadaay farqiga u dhaxeeya dhibaatada dalka Somalia iyo dhibaatadii dhawaan ka dhacday wadanka Lubnaan,waxaana Sheekh Xasan Daahir uu sheegay in dhabaatadii dhawaan ka dhacday wadanka Lubnaan ay aheyd khilaaf soo kala dhaxgalay dadka lubanaaniyiinta ah halka Somalia uu soo fara galiyay Cadaw dibada ka yimid sida uu hadalka u dhigay.

Sheekh Xasan daahir waxa uu si weyne u dhaleeceeyay xogayaha guud ee Jaamacadda Carabta Caamir Musaa inuu san ku da’daalin Xalinta dhibaatadii dalka Somalia sidii ugu da’daalay dhibaatadii dhawaan ka dhacday wadanka Lubnaan

‘waxa uu yiri kama maqlin hal hadal oo ku aadan xasuuqii Ciidamada Ethiopia ay ka geysteen gudaha dalka Somalia xogyaha guud ee Jaamacada Carabta caamir Muusaa sida uu hadlka u dhigay.

Seekh Xasan Daahir Aweys ayaa sidoo kale waxa uu sheegay in dhibaatada dalka Somalia ay Xalkeeda uu noqonayo mid fog inta Ciidamada Ethiopia ay joogaan gudaha dalka Somalia.

Sidoo kale Sheekh Xasan daahir Aweys waxa uu si weyn u dhaleeceeyay hadalkii dhawaan ka soo Baxay Ra’iisul wasaaraha dalka Ethiopia meles Zen ewe oo Baarlamaankiisa uu ka sheegay in Ethiopia qorshaha aysan ugu jirin in Ciidamadeeda ay kala soo Baxdo gudaha dalka Somalia inta ay joogaan wax uu ku sheegay jihaadiistayaal,waxaana Xasan daahir uu sheegay in Ethiopia ay Caqabad ku tahay dib u hishiisiin qaran oo kala dhalata wadanka Somalia.

Ugu dambeentii Sheekh xasan daahir waxa uu beesha Caalamka ka codsaday in il gaar ah ay ku eegto dhibaatada ka taagan gudaha dalka Somalia.

Maxkamad ku sheegta Magaaladda Jigjiga oo Dad Shacab ah ku xukuntay Dil.

Maxkamad ku sheegta magaaladda jigjiga ayaa dad Shacab ah oo gaadhaya ilaa 8 qof ku xukuntay Dil, kaddib markay Maxkamaddaasi goobtii Maxkmadda markhaatiyo ay iyadu soo diyaarsatay isla markaana dadkaas ku markhaati kaceen inay ka dambeeyeen falal ka dhacay Degaanka.

Dadkaas dilka lagu xukumay ayaa ahaa dad Shacab ah isla markaana aan haba yaraatee waxa loo haysto aan shaqo ku lahayn, sidoo kale ma jirin wax Jabhad ah oo ay xidhiidh la lahaayeen. sida ay noo sheegeen Asxaabta dadkaas la xukumay.

Dadkan lagu xukumay Dilka ayaa Guumaysiga iyo Kalkaaliyayaashiisa Kililku waxay u haystaan inay ka dambeeyeen falalkii hadda ka hor ka dhacay Degaanka oo ay ka mid ahayd dhacdadii Gimbood ee sannadkii hore oo wax yar u sigtay Lugbuur inuu ku dhinto. dadkan ay Maxkamaddu dilka ku xukuntay ayaa u badan Ganacsato iyo kuwa kale oo iska jooga oon wax shaqo iyo camal toona haynin, sidoo kale waxaa ka mid ahaa dadkan Wiil Arday ka ahaa Kulliyadda Caafimaadka ee Jigjiga oo isaga Guumaysigu u haysto inuu la shaqeeyo Jabhadaha xornimo doonka ah ee Degaanka ka dagaallama.

Haddaba waxaa la soo bandhigay Magacda dadkan dilka lagu xukumay waxayna kala ahaayeen sidan:

1- Maxamed Yuusuf
2- Kamaal Cabdi naasir
3- Xasan Ikhtiyaar
4- Mahad Sheekh Ibraahim
5- Carab Soocane
6- Mukhtaar Maxamed

7- Khadar Shugri

8- Xasan Madoobe

Waa markii u horeysay ee dad sidan oo kale dil loogu xukumo Degaanka iyadoo la wada aqoonsan yahay in dadka hadda la xukumay ee dilka lagu xukumay aysan haba yaraatee wax shaqo ah ku lahayn waxyaabaha uu Guumaysigu u haysto sidoo kale Maxkamadda Dilka xukuntay waa Maxkamad u adeegtay Guumaysiga markaa maba noqon karto mid sharci ah oo la tiigsan karo xukunkeeda.

Wakhtiga uu xukunkani dhacayo ayaan la garanayn maadaama aan si sahlan loo fulin karin xukuna dilka ah balse Guumaysigu waxaa uu leeyahay waan soo dadajinaynaa xukunka dilka ah.

Email:Webmastar@soomaaligalbeed.com