Magaaladda Dhooblay oo maanta ay la wareegeen ciidamo ka tirsan Midowgii maxkamadaha Islaamka Soomaaliyeed.

Wararka naga soo gaadhaya Dagmadda Dhooblay ee goblaka Jubadda hoose ayaa sheegaya in maanta barqadii ay magaaladaa la wareegeen ciidamo xoogle oo ka tirsan ciidamadii Midowgii Maxkamadaha Islaamka ee Soomaaliyeed, kuwaasoo ka talin jiray Konfurta Soomaaliya intabadan.

Ciidamaddan oo la sheegay inay aad u hubaysanyihiin ayaa maanta saacada Geeska Afrika markay ahayd 5.40 daqiiqo,ayaa la wareegay Dagmadda Dhooblay, iyadoo la sheegay in uuna halkaa ka dhicin wax dagaala oo wayn marka laga reebo Maleeshiyo beeleedyo gacanta horay ugu hayay magaaladda oo la sheeegay inay xabado rideen inkastoo markii dambe khasaare la,aan loogaga awood roonaaday gacan ku haynta magaaladda.

Magaaladda ayaa la sheegay in ay aad udagantahay hadda xaaladeedo kadib qabsashada ciidamadan, ciidamadan oo la sheegay inay yihiin ciidamo aad u hubaysan ayaa la sheegay inuu hogaaminayay Sargaal sare oo ka tirsanaan ka jiray ciidamadii Maxkamadaha oo lagu magacaabo Siyaad Macalin Bashiir( Siyaad dheere).

Ciidmadda Midowga maxakadaha ayaa la sheegay inay bilihii ugu dambeeyaba diyaargarow xoogan ka wadeen dhulka kaymaha ah ee ku yaala Konfurta fog ee Soomaaliya.

Qabsashada Dhooblay ayaa u muuqata sida ay uga go,antahay Midowgii Maxkamaduhu inay marlabaad dib u qabsadaan dalka Soomaliya, taasoo mar uu waraysi siiyay sheekh Xasan Turki TV, Aljazeera uu sheegay inay hadii Alle idmo kutala jiraan siday marlabaad gacanta ugu dhigi lahaayeen guud ahaan dalka Soomaaliya, ugana xorayn lahaayeen gumaysiga qabsaday.

Laascaanood oo maanta si buuxda ay gacanta ugu dhigeen ciidamadda maamulka isku magacaabay Soomaland.

Ciidamada Maamulka Somaliland ayaa gabi ahaanba la wareegay gacan ku heynta Gobalka Sool, ka dib Dagaal kulul oo la isku adeegsaday hubka noocyadiisa kala duwan oo markale ka dhacay Magaalada Laascaanood saaka.

Dagaalkan oo aan ilaa iyo haatan si rasmi ah loo ogeyn khasaaraha uu geystay ayaa waxa uu markale dhexmaray Ciidamada Maamulada Puntland iyo Somaliland, oo waayadanba isku herdinayey deegaanka Ari-Cadeeye ee duleedka Laascaanood.

Wasiirkii hore rr arimaha Gudaha Maamulka Puntland Maxamed Cabdi Xaabsade oo dhawaan si rasmi ah ugu biiray maamulka Somaliland ayaa la xaqiijinayaa inuu horkacayo Saraakiisha Ciidamada Somaliland ee qabsaday guud ahaan gacan ku heynta Magaalada Laascaanood ee Gobalka Sool.

Back