Tiro badan oo ah dhalinyaro u dhalatay dhulka S/galbeed ayaa laga qabqabtay magaalooyinka uu ka taliyo maamulka isku Mgacaabay S/land kuwaasoo la sheegay in loo gacan galiyay ciidamadda gumaysiga itoobiya.

Wararka ka imaanaya Magaalada Hargaysa ayaa sheegaya in maanta galinkii hore halkaas lagu xidh xidhay dad u dhashay Dhulka Soomaaligalbeed, dadkan ayaan la garanayn intay dhan yihiin, balse wararka qaar ayaa sheegaya in dadkan ay ahaayeen dad dana kala duwan u tagay Hargaysa sida inay Soo gaadhayeen Eheladooda deggan Hargaysa oo ay la joogaan maalmaha Ciidda.

Dadkan xabsiga Hargaysa loo taxaabay ayaa sida ay ilo xogagaal ahi sheegayaan wax siyaasad ah aan shaqo ku lahayn, sidoo kale waxaa dadkan ka mid ahaa Arday wax ka barata Dugsiyada Quraanka ee Jigjiga iyo waliba dad kale oo u badan dhalinyaarta Degaanka.

Dadkan ayaa hadda ku xidhan Xabsiga dhexe ee Hargaysa iyadoo waliba loo diiday in loo tago,lama garanayo sababta loo soo xidh xidhay dadkan u dhashay Degaanka balse wararka qaar ayaa sheegaya in la rabo in dadkan loo gacan galiyo Gumaysiga Itoobiya.

Ma ahan markii u horreysay ee Maamulka Hargaysa Xabsiga u taxaabo dad u dhashay Dhulka Soomaaligalbeed, hadda ka hor ayaa sidan oo kale dad aad u tiro badan ay Maamulkaasi xabsiyadooda u taxaabeen iyagoo aan wax dambi ah ka galin maamulkaas.

Dadkaas Xabsiyada Hargaysa ku xidhan ee u dhashay Degaanka ayaa aad u tiro badan, kuwa qaarkood Maamulkaasi waxay u soo gudbiyeen Gumaysiga Itoobiya, qaar kalena wali waxay ku jiraan Xabsiyada Hargaysa iyo magaalooyin kale oo Maamulkaas ka tirsan.

Dadka ay Maamulkaasi xidhaan ayaa waxay imbadan u xidh xidhaan inay gacan saar la leeyihiin Ururada xaq u dirirka ah ee ka soo horjeeda Gumaysiga Itoobiya, dadkaas xaq darada ku xidhan ayaa waxaa ka mid ah Sheekh Maxamed Sheekh Ismaaciil oo caan ka ahaa Dhulka Soomaaligalbeed, oo hadda ku xidhan magaalada Hargaysa.

Haddaba Maamulka Hargaysa ayaa waayadan dambe muujiyay cadaawadda uu u hayo dadka Reer Soomaaligalbeed iyo waliba cadaawadda uu u hayo dadka ay Diintu ka muuqato ee Muslimiinta ah ee neceb gumaysiga.

Balse tan ayaa waxay caddeyn u tahay inay xidhiidh wanaagsan leeyihiin Maamulka Hargaysa iyo Gumaysiga Itoobiya, xidhiidhkan oo intiisa badan ku salaysan soo gudbinta dadka Gumaysiga Itoobiya ka soo horjeeda ee ku sugangudaha Hargaysa.

Wariye Cabdi Maxamed
Soomaaligalbeed.com

Fal Naxdin leh oo habeenkii xalay ka dhacay duleedka Magaaladda Nayrobi ee dalka Kenya halkaas oo lagu dilay 4 nin oo ganacsato Soomaaliyeed ah.

Duleedka Magaalada Nayrobi ee Caasiamadda Dalka Kenya maagalo yar oon ka fogay oo lagu magacaabo Naaro, ayaa maanta laga helay afar wiil oo ganacsato Soomliyeed Maydkooda Ragan ayaa ahaa ganacsato yaryar oo dagenaa tuulada Naaro kuwaasoo alaabooyin gayn jiray Tuulooyin ay daganyihiin dad reer Kenya oo ku hareeraysan Deegaanka Naaro oo Nayroobi aan ka fogayn.

Ragan ayaa la sheegay inay shaly galab kasoo caraabeen Tuulo lagu magacaabo Gori-Gori, ee dagma Naaro ka xidhgta dhanka Waqooyi una jirta ilaa 40 KM, halkaaso la sheegay inay kasoo qaadeen lacago badeecooyin ay halkaa horay ugayn jireen.

Kadibna waxaa la sheegay inay halkaa ugaleen niman tuugo ah oo reer Kenya ah kuwaasoo la sheegay inay Jidka ka leexiyeen Baabuurkii ay wateen waxayna ragan ka qaateen lacag lagu qisaay Nusmalyan Shilinka Kenya ah, ama 500,000, kadibna waxay isku xidheen 4 nin iyo darawalkii waday oo ahaa nin Madow ah oo reer Kenya ah waxayna halkaa ku dileen dhamaanba ragaas oo rasaas madaxa kala dhaceeen.

Ragan ayaan ilaa maaanta niskii hore la raadinayay balse Nasiib daro Maanta barqadii ayaa la helay shantan nin oo isku xidhan maydkoodii, taasoo dadka Soomaalida aad uga argaxeen falkan naxdinta leh ee lagula kacay dadkan aan waxba galabsan, waxayna dad badane ku calaacalyeen tana Ma South Africaa waxaya falakani caan ku ahaayeen dalka South Africa iyo Soomalida ku dhaqan.

Wariye Duufaan oo ah wariyaha wararka uga soo diri Soomaaligalbeed.com Dalka kenya ayaa sheegay in uu la kulmay markii uu warkani soo yeedhay nin lagu magacaabo Maxamed Cimsaan oo ragan saaxiib la ahaa ganacsina ay kuwada lahaayeen deegaankaas kaasoo aad uargaxgaxsan ayaa u sheegay duufan in balanku ahaa in uu raaco saaxiibadii shaly balse uu uga hadhay arimo shaqsi ah iyo isagoo jeclaystay in uu caasimadda kula ciido saaxiibo badan uu ku leeyahay.

Ragan ayay magacyadoodu kala yihiin Sheekh Aways Sheekh Ciidow, Aadan yoonis,Shukri Maxamed iyo Aadan Maxamed.
Anagoo ah bahda Soomaaligalbeed.com waxaan tacsi u diraynaa Eheladda Ragaas iyagana waxaan Alle uga baryaynaa in uu unaxariisto .

Back